Naskah Drama Satu Babak

Balajar Matimatika

Oleh : Marny Rustina

Tokoh-tokoh:             1. Ririn    : anak perempuan kelas 2 SD

                                 2. Tami    : anak perempuan kelas 5 SD, kakak Ririn

                                3. Any     : wanita sekitar 35 tahun, saudara sepupu Ririn dan Tami

                       4. Julak    : wanita berusia sekitar 57 tahun, ibunya Any       

Properti panggung:

1.     Televisi + remote

2.     Meja belajar

3.     Seperangkat sofa

4.     Buku-buku dan alat tulis

5.     Karpet

6.     Piring berisi kue basah

Setting :  Suatu sore di sebuah ruang keluarga, Ririn duduk lesehan di atas kapet di lantai. Di depannya terdapat buku Matematika dan buku tulis. Tangan kanannya memegang sebuah pensil. Tami duduk di kursi belajar di sudut kanan ruangan sedang tekun mengerjakan PR, sesekali menggigit ujung pulpennya.

              (Kemudian Any masuk, mendekati Tami)

Any        : (tangan basah digosok-gosokkan ke baju daster) “ Lagi manggawi apa ikam, Mi?”

Tami       :(Menggaruk kepala) Tugas IPA ka’ai”.

Any        : “ Kaya apa tadih, kawa haja lah manjawapi sualnya?” (memperhatikan lembar-lembar jawaban, menelitinya dengan jari)

Tami       : (tersenyum) “Kawa haja”

              (Any menengok Ririn, kemudian beringsut mendekatinya, dan duduk di depan Ririn)

Any        :” Ikam pang manggawi apa?”

Ririn       :” Matimatika!”

Any        :” Malihat pang gawian ikam!”

              (Ririn menyerahkan bukunya, sambil menggeliat)

Any        : “ Numur satu bujur….. numur dua bujur ……. Numur tiga… nah balum bujur Rin’ai. Ayu kita hitung pulang….”(menyerahkan buku tulis  kembali kepada Ririn)

               “ dua ratus lima puluh di kurang saratus lima balas. Barapa.”

              (Ririn mencoret-coret kertas hitung).”

Any        : “ Nul kurang lima tu, nul nya kita tambahi lawan puluhan di subalahnya,  jadi barapa?”

              (Ririn mengernyitkan dahi), “ Kada tahu!”

Any        :” Ini nah, lima dihiga nul ini amun dibaca lima puluh kalu. Amun nul haja dikurangi lima kada kawa, jadi nang lima puluh kita ambil sapuluh dahulu. Sapuluh dikurang lima barapa?”

Ririn       :” Lima” (mengangkat tangan kirinya, dengan melebarkan jari-jarinya)”

Any        “ Bujur. Lalu nang lima puluh tadi sudah kita kurangi sapuluh, jadi tinggal barapa?”

Ririn       :(terdiam sejenak) “ ampat puluh.”

Any        :” Pintar!”( Tiba-tiba berdiri)” Hadang dahulu, banyu jaranganku manggurak.” ( keluar ruangan)

Julak masuk, membawa sebuah piring berisi kue basah.

Julak       :” Ni ambil Rin wadai sabuting.” (mendekatkan piring kepada Ririn. Ririn mengambil sepotong kue dan memakannya)

Julak       : “ Nah Mi, ambil.” (menyodorkan piring kepada Tami. Tami mengambil sepotong dan memakannya.”

Julak duduk di sofa menghadap televisi yang tidak dihidupkan)

Tami       : (berdiri dari kursinya, melangkah sambil menggeliat-geliat mendekati Julak, lalu duduk di sampingnya).” Julak, tvnya ulun hidupi lah!”

Julak       :” Tuntung lah sudah PR ikam!”

Tami       :” Sudah Julak’ai.”

Julak       :” Ayuja, tapi bagigimit haja suaranya. Ririn balum tuntung pinanya. Iya lah Rin?” ( Melihat kea rah Ririn).

Tami mengambil remote TV di atas sofa, kembali duduk di samping Julak. Memencet-mencet tombol remote

Ririn memandang Julak sambil mengangguk-anggukkan kepalanya, kemudian melanjutkan hitungannya.

Any masuk menghampiri Ririn

Any        : “  Sudah tuntung lah Rin?” ( menarik buku tulis. Kemudian mengangguk-anggukkan kepala). “ Nah Pas sudah. Soal nang lain sudah bujur jua jawabannya.” (menyerahkan buku tulis kembali kepada Ririn)

Ririn menutup buku dan memasukkannya ke dalam tas.

Any        :” Tadi pang ikam belajar apa Rin?”

Ririn       :” Matimatika tadi belajar gambar sagi ampat, parsagi panjang,  sagi tiga,  lawan lingkaran.” (bersemangat).

Any        : (Menyerahkan selembar kertas kosong).” Nah, gambarakan, sagi ampat nang kaya apa?”

Ririn mengambil penggaris di meja belajar kemudian kembali duduk di lantai, mulai menggambar. Beberapa waktu kemudian dia serahkan kertas kepada Any.

Any        : “ Iyaaaa. Pas…, gambarakan lingkaran pulang.”

Ririn bingung

Tami       :” Pakai duit Rin’ai!” (mengambilkan uang logam di kantongnya dan melemparkannya kepada Ririn) “ Tanggap!”

Julak       : “ Hati-hati”

Ririn       : “ haaaa!”( menangkap uang logam yang dilemparkan)

( Menggambar lingkaran dengan menggunakan uang logam)

Any        :” Bujur kaya itu. Bulih haja pakai duit, atawa pakai tutup botol, pakai cangkir.” Naaaaah, pahabisan nah. Gambarakan segi tiga sama kaki.”

(Ririn agak membungkukkan badannya sambil menggambar menggunakan penggaris.  Kemudian mencoret-coret sesuatu,  tangan kirinya menutupi coretan yang sedang dibuat. Lalu gambar diserahkannya lagi kepada Any)

Any        : ( mengamati gambar sambil bingung) “ Ini bujur segi tiga, tapi ini segi tiga sama sisi. Nang di subalahnya ini gambar apa Rin?”

Ririn       : (sambil tersenyum).” Gambar batis Ka’ai. Pian tadi manuruh manggambar sagi tiga lawan batis kalu?”

Any, Tami, Julak : “ hahahahaha…..

Julak       : “ Ikam jua Any ai. Urang hanyar balajar sagi tiga, balum balajar nang sama kaki lawan sama sisi.”

Tami       :Umay Ririn….Ririn…..

Julak       : “ Bau apa nih?” (mengendus-endus)

Tami, Ririn, Any  mengendus-endus

(Any bergegas ke luar sambil setengah berteriak )

Any        : “ Sangaan iwak uluuuuuuuun.”

Tami       :” bisa makan kada baiwak kita malam ini.”

Ririn       :” hehehe…..” (menggaruk kepala)

Tami dan Ririn mengikuti ke luar

Julak mematikan TV, kemudian keluar.

********